| דבר אחר: "דום לה' והתחולל לו" — אמר רבי יהושע בן לוי: בשעה שבאו השונאים להחריב את ירושלים, היו שם ששים רבוא של מזיקין והיו עומדים על פתחו של היכל לפגוע בהם |
וַֽיַּעֲל֞וּ אֶת — אֲר֤וֹן יְהוָה֙ וְאֶת — אֹ֣הֶל מוֹעֵ֔ד וְאֶֽת — כָּל — כְּלֵ֥י הַקֹּ֖דֶשׁ אֲשֶׁ֣ר בָּאֹ֑הֶל וַיַּעֲל֣וּ אֹתָ֔ם הַכֹּהֲנִ֖ים וְהַלְוִיִּֽם : וְהַמֶּ֣לֶךְ שְׁלֹמֹ֗ה וְכָל — עֲדַ֤ת יִשְׂרָאֵל֙ הַנּוֹעָדִ֣ים עָלָ֔יו אִתּ֖וֹ לִפְנֵ֣י הָֽאָר֑וֹן מְזַבְּחִים֙ צֹ֣אן וּבָקָ֔ר אֲשֶׁ֧ר לֹֽא — יִסָּפְר֛וּ וְלֹ֥א יִמָּנ֖וּ מֵרֹֽב : וַיָּבִ֣אוּ הַ֠כֹּהֲנִים אֶת — אֲר֨וֹן בְּרִית — יְהוָ֧ה אֶל — מְקוֹמ֛וֹ אֶל — דְּבִ֥יר הַבַּ֖יִת אֶל — קֹ֣דֶשׁ הַקֳּדָשִׁ֑ים אֶל — תַּ֖חַת כַּנְפֵ֥י הַכְּרוּבִֽים : כִּ֤י הַכְּרוּבִים֙ פֹּרְשִׂ֣ים כְּנָפַ֔יִם אֶל — מְק֖וֹם הָֽאָר֑וֹן וַיָּסֹ֧כּוּ הַכְּרֻבִ֛ים עַל — הָאָר֥וֹן וְעַל — בַּדָּ֖יו מִלְמָֽעְלָה : וַֽיַּאֲרִכוּ֮ הַבַּדִּים֒ וַיֵּרָאוּ֩ רָאשֵׁ֨י הַבַּדִּ֤ים מִן — הַקֹּ֙דֶשׁ֙ עַל — פְּנֵ֣י הַדְּבִ֔יר וְלֹ֥א יֵרָא֖וּ הַח֑וּצָה וַיִּ֣הְיוּ שָׁ֔ם עַ֖ד הַיּ֥וֹם הַזֶּֽה : אֵ֚ין בָּֽאָר֔וֹן רַ֗ק שְׁנֵי֙ לֻח֣וֹת הָאֲבָנִ֔ים אֲשֶׁ֨ר הִנִּ֥חַ שָׁ֛ם מֹשֶׁ֖ה בְּחֹרֵ֑ב אֲשֶׁ֨ר כָּרַ֤ת יְהוָה֙ עִם — בְּנֵ֣י יִשְׂרָאֵ֔ל בְּצֵאתָ֖ם מֵאֶ֥רֶץ מִצְרָֽיִם : פרשת- אָ֣ז יַקְהֵ֣ל שְׁלֹמֹ֣ה |